Қырғызстанда бүгін президент сайлауы. Таңғы 8:00-де басталған саяси науқан енді санаулы минуттардан кейін аяқталады. Елдің мемлекеттік тіркеу қызметінің мәліметінше, Қырғыз Республикасының 5-ші президентін сайлауға 3 миллион 25 мың 768 дауыс берушінің қатысу мүмкіндігі болды.
11 үміткер бақ сынаған бүгінгі сайлауда республика бойынша 2 375 сайлау учаскесі жұмыс істеп тұр. Оның 234-і ел астанасы Бішкекте орналасқан. Сағат 20:00-ден кейін бюллетендер саналатын болады.
Ал сағат 21:00-ге дейін сайлаудың алдын ала қорытындысын жариялау жоспарланып отыр. Ал, кімнің аты бәйгеден бірінші келгені толығымен 4-ші қарашаға дейін анықталады. Айта кетейік, осыған дейін, 12-ші қазаннан бастап Бішкектегі ішкі істер органдарының барлық құрамы күшейтілген режимге өткені хабарланған болатын.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Қырғызстанда бүгін президент сайлауы&mh_tags=Qazaqstan&mh_page=https://qazaqstan.tv./index.php/news/75592/)