![Зарина Диас екінші айналымға өтті](https://cdn.qazaqstan.tv/old/articles/3/article_33926.jpg?w=928&h=522&format=jpg&resize=aspectfill&g=center)
Мельбурнде өтіп жатқан «Australian Open» турнирінде қазақстандық теннисші Зарина Диас бірінші айналымды сәтті аяқтады. Ол Чехия теннисшісі Катерина Синякованы 6:2, 6:4 есебімен ұтты. Ол екінші айналымда Сорана Кирстеа (Румыния) – Мариан Эракович (Жаңа Зеландия) кездесуінің жеңімпазымен бәсекеге түседі.
Айта кету керек, WTA рейтингінде Зарина Диас 152-ші, ал Катерина Синякова 173-ші орында тұр.
Бұған дейін, екінші айналым жолдамасына тағы бір қазақстандық теннисші ие болған еді. Галинва Воскобоева румын қызы Ирина-Камелия Бегуді 7:5, 4:6, 7:5 есебімен ұтты. Оның келесі қарсыласы – әлемнің 16 ракеткасы, испандық Карла Суарес-Наварро.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Зарина Диас екінші айналымға өтті&mh_tags=Qazaqstan&mh_page=https://qazaqstan.tv./index.php/news/83466/)