![Қызылордада жол апатынан 9 адам қаза тапты](https://cdn.qazaqstan.tv/old/articles/3/article_36613.jpg?w=928&h=522&format=jpg&resize=aspectfill&g=center)
Бүгін таңғы 8 сағат 45 минут шамасында Батыс Еуропа-Батыс Қытай халықаралық дәлізінің Шиелі ауданы, Тартоғай елді мекені тұсында көлік апатынан 9 адам қайтыс болды, деп хабарлайды облыстық Денсаулық сақтау басқармасының баспасөз хатшысы Нұржамал Тұрсынбаеваға сілтеме жасап.
Халықаралық автобанда қарсы бағытта келе жатқан «Газель» автокөлігіне «Джип» автокөлігі соқтығысқан. Апат орнында 7 адам бірден тіл тартпастан кетсе, 2 адам Шиелі аудандық ауруханасына алып бара жатқан жолда қайтыс болған. Қазіргі күні 3 адам жансақтау бөлімінде, 3 адам хирургия бөлімінде жатыр.
Оқиға орнына жедел жеткен облыстық медицина орталығының санавиация дәрігерлері нейрохирург, травмотолог мамандар ем-шараның қолдан келгенін жасауда. Сондай-ақ, жарақат алған 2 жолаушы облыстық Денсаулық сақтау орталығының жансақтау бөліміне жеткізілген. Жарақат алған басқа да жолаушылармен психиатр, психолог мамандар жұмыс жүргізуде, - дейді Н. Тұрсынбаева.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Қызылордада жол апатынан 9 адам қаза тапты&mh_tags=Qazaqstan&mh_page=https://qazaqstan.tv./index.php/news/86153/)