![Саманта Стосур: Заринаның болашағы жарқын](https://cdn.qazaqstan.tv/old/articles/4/article_41764.jpg?w=928&h=522&format=jpg&resize=aspectfill&g=center)
Австралиялық спортшы Саманта Стосур Жапонияның Осака қаласында өткен турнирдің финалындағы қарсыласы – қазақстандық Зарина Диастың ойын өрнегіне қатысты өз пікірін білдірді, деп жазады GoTennis.ru
«Осакада өткен турнирде жаңа спортшылардың есімдерімен таныс болдым. Әсіресе, жас әрі қайсарлы теннисшілердің ойын өрнегі ұнады. Солардың бірі – Зарина Диас.
Бұған дейін, мен онымен кортта кездеспедім, бірақ Зарина мені таңғалдырды. Оның болашағы зор екеніне сенімдімін. Финалда жеңіске жету үшін біраз тер төгуге тура келді», - дейді Стосур.
Еске сала кетейік, финалда қазақстандық теннисші Австралияның бірінші ракеткасына 6/7, 3/6 есебімен есе жіберген еді. Саманта Стосур бұл турнирдегі чемпиондық атағын қорғап қалса, Зарина Диас 180 ұпай жинап, алғаш рет ТОП-35 қатарына енді.
Фото: sport-asia.com
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Саманта Стосур: Заринаның болашағы жарқын&mh_tags=Qazaqstan&mh_page=https://qazaqstan.tv./index.php/news/91448/)