![Қызылордада Жанқожа батыр ескерткіші ашылды](https://cdn.qazaqstan.tv/old/articles/4/article_41868.jpg?w=928&h=522&format=jpg&resize=aspectfill&g=center)
Қызылорда облысының жұртшылығы бұл күндері ұлт азаттық қозғалысының қолбасшысы, халық батыры Жанқожа Нұрмұхамедұлының 240 жылдығын кең көлемде атап өтуде.
Бүгін Қызылорда теміржол вокзалы алаңында ұлт-азаттық жолындағы күрестiң батыры Жанқожа Нұрмұхамедұлының ескерткіші ашылды. Салтанатты шараға облыс әкімі Қырымбек Көшербаев қатысты.
Сондай-ақ, ескерткіштің ашылуына мемлекет және қоғам қайраткері Ұзақбай Қараманұлы, Республикалық ардагерлер кеңесінің төрағасы Өмірзақ Озғанбаев қатысты.
Сонымен қатар, студенттер сарайында «Ұлт азаттығы қозғалысы және Жанқожа батыр» атты ғылыми-тәжірибелік конференция өтті. Белгілі ғалымдар, әдебиетшілер мен тарихшылар қатысқан жиында батыр бейнесі жан-жақты сөз болып, тың деректер айтылды.
ҚазАқпарат
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Қызылордада Жанқожа батыр ескерткіші ашылды&mh_tags=Qazaqstan&mh_page=https://qazaqstan.tv./index.php/news/91552/)