![Елордада жаңадан төрт мешіт салынады](https://cdn.qazaqstan.tv/old/articles/4/article_42700.jpg?w=928&h=522&format=jpg&resize=aspectfill&g=center)
Астанада жаңадан төрт мешіт салынады. Бұл туралы «Зайырлы қоғам: дін мен дәстүр ұштастығы» тақырыбында өткен конференцияда Астана қаласының Дін істері жөніндегі басқарма басшысы Жорабек Дәуренов мәлім етті.
Оның айтуынша, соңғы бес жылда мешіт салуға «Көктал-1», «Көктал-2», «Өндіріс» және «Ильинка» кенттерінен 4 жер учаскесі бөлінген.
Айта кету керек, елордада Қазақстанның өзге өңірлерімен салыстырғанда діни нысандардың құрылысы бойынша белсенділік байқалмайды.
«Мысалы, Оңтүстік Қазақстанда мыңға жуық мешіт бар, соның ішінде 20-30-ы соңғы үш-төрт жылда салынған, ал Астанада соңғы жеті жылда мешіт саны 4-тен 8 дейін артқан», - дейді Жорабек Дәуренов.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Елордада жаңадан төрт мешіт салынады&mh_tags=Qazaqstan&mh_page=https://qazaqstan.tv./index.php/news/92384/)