Жаңалықтарды Telegram арнамыздан оқыңыз!Сейсенбі күні Қызылорда қаласының орталық алаңында екі мәрте Олимпиада чемпионы және төрт мәрте Әлем чемпионы зілтемірші Илья Ильиннің құрметіне мерекелік концерттік бағдарлама өтті. Бұл туралы облыстық «Кызылординские вести» газеті жазады.
Мерекелік шарада К. Дүйсекеев, Р. Тайманова, Б. Тәжібаевалардың патриоттық әндері шырқалды.
Сондай-ақ, «Илья - чемпион» жаңа әнін де көрермен ерекше ақыласпен қабылдады. Әннің авторлары - қызылордалық композитор Алтын Бекенова мен ақын Махмұтбай Әміреұлы.
Әнді Баян Бектұрған, Алмас Қожахметов және Бақытжан Найманов құралған үштік шырқады.
«ИЛЬЯ ЧЕМПИОН»
Жаралған жаның ерліктен,
Қаһармандықтан, өрліктен.
Жеңіске жеттің тағы да,
Алаңдап көптен ел күткен.
Қайырмасы:
Илья, асыл ұланым,
Самғаған биік қыраным.
Көтердің елдің тағы да,
Байрағын, әнін, ұранын!
Қос дүркін алтын алдырдың,
Қос дүркін тауды тауға ұрдың.
Көтеріп жеңіс тұғырын,
Қол жетпес көкте қалдырдың.
Илья Ильин - тау тұлға,
Қалдың сол таудай қалпыңда.
Таңдаңттың тағы әлемді,
Асырдың Сырдың даңқын да.
Шаттық та шалқып, тасуда,
Ұланым Жеңіс басында.
Мерейің өсіп, ұлы елім,
Жарқыра жаңа ғасырда.
Илья - золотой чемпион,
Подарил много радости.
Синий флаг гордо в небо взмья,
Илья по правду победил!
Илья Ильин - алыбым,
Толағай болған тау ұлым.
Жарқырап жанған жұлдызым,
Жаһанға жайған жарығын.
