![«Қорқыттың көрі» аңыз-дастаны сахналанды (ФОТО)](https://cdn.qazaqstan.tv/old/articles/4/article_44160.jpg?w=928&h=522&format=jpg&resize=aspectfill&g=center)
Мұхтар Әуезов атындағы Қазақ мемлекеттік академиялық драма театры сахнасында Иран-Ғайыптың «Қорқыттың көрі» аңыз-дастаны сахналанды, деп хабарлайды театрдың баспасөз қызметі.
Балтық жағалауынан келген Еуропаға танымал режиссер Йонас Вайткус қойған лирикалық драмада күй атасы Қорқыт рөлін танымал актер Дулыға Ақмолда сомдады.
«Қорқыттың Көрі» – Қорқыт бабамыздың запырандай ащы аңыз-өміріне арнап қойылған сахналық түйсіктің бейне тұжырымы. Қойылым оқиғасы Пайғамбар Мұхаммед (с.а.у) заманына жақын тұста Сырдария бойында өтеді.
Ширек ғасыр бұрын жазылған туындысын литвалық режиссерге сеніп тапсырған аңыз-дастанның авторы Иран-Ғайып премьераға арнайы келді.
Сахна декарациясы, актерлердің киімі мен рөлді сомдау шеберлігіне тәнті болған жазушы-драматург өз ризашылығын білдірді.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=«Қорқыттың көрі» аңыз-дастаны сахналанды (ФОТО)&mh_tags=Qazaqstan&mh_page=https://qazaqstan.tv./index.php/news/93844/)