![Павлодар облысында қатты жылдамдықпен жүретін көліктердің нөмірін жаңа стационарлық бекеттер анықтайды](https://cdn.qazaqstan.tv/old/articles/4/article_46953.jpg?w=928&h=522&format=jpg&resize=aspectfill&g=center)
Алдағы уақытта Павлодар өңірінде мемлекеттік нөмірлерді бірдейлендіруге арналған 10 стационарлық бекет орнату жоспарлануда.
Бұл жаңашылдық тәртіп сақшыларына қатты жылдамдыққа әуес тұрғындар тізгіндеген көліктердің номерлерін әп-сәтте анықтауға мүмкіндік бермек.
«Аппараттық-бағдарламалық кешен көліктердің мемлекеттік тіркеу белгілерін анықтап, нөмірлерді мәліметтер базалары бойынша анықтауға мүмкіндік бермек. Жол ережелерін бұзатын машиналардың мемлекеттік нөмірлері бекеттерде фотоға түсіріліп, серверге жіберіледі», - деп хабарлайды облыстық ІІД-нің баспасөз қызметі.
Айта кетерлігі, заманауи құралдар автомобиль қозғалысының жылдамдығын радарсыз-ақ, яғни бейнекадрлар арқылы анықтайды.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Павлодар облысында қатты жылдамдықпен жүретін көліктердің нөмірін жаңа стационарлық бекеттер анықтайды&mh_tags=Qazaqstan&mh_page=https://qazaqstan.tv./index.php/news/96637/)