![Бүгін – «Білгірлер бәйгесі» эфирге шығады](https://cdn.qazaqstan.tv/old/articles/4/article_47678.jpg?w=928&h=522&format=jpg&resize=aspectfill&g=center)
«Білгірлер бәйгесі» интеллектуалды бағдарламасының басқа зияткерлік сайыстардан артықшылығы – оның отбасыларды қамтуында. Шоу қатысушылары тек білімді ғана емес, сонымен қатар, көңілді, тапқыр, тату да талантты жандар екенін дәлелдеп беруі тиіс.
Интеллектуалды шоу 5 кезеңнен тұрады. Ойында капитандардан басқа жанұя отағасы - «от басы» сайланады. Әр кезең барысында командалар мен от басыларға ұпай жинау үшін жалпы дүниетаным, Қазақстан тарихы, салт-дәстүрлер мен мәдениетке байланысты сұрақтар қойылады.
Сондай-ақ, қатысушыларға көрермендерден бейнесұрақтар да ұсынылады. Соңғы кезең ең шешуші – капитандар «шайқасы». Бұл кезеңде ұпайы төмен команда тапқырлығы мен зеректігі арқасында ұпай санын теңестіріп, тіпті, алға да озып кетуге мүмкіндік алады.
Бүгін 13:30-да Ұлттық арнада білгірлер мен тапқырларға арналған «Білгірлер бәйгесі» шоуының алғашқы саны эфирге шығады. Ұлттық арнамен бірге білгірлерді анықтаңыз!
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Бүгін – «Білгірлер бәйгесі» эфирге шығады&mh_tags=Qazaqstan&mh_page=https://qazaqstan.tv./index.php/news/97362/)