Жаңалықтарды Telegram арнамыздан оқыңыз!Атақты 316-шы атқыштар дивизиясы құрамында соғысқан батыр Дүйсен Сүйесіновтің ерлігін екінің бірі біле бермейді. Соғыс басталған сәтте Дүйсен Сүйесінов 10-сыныптың оқушысы болатын.
Әскерге алыну үшін жасын ұлғайтып, өз еркімен майданға баруға сұранады. Осылайша, Атырау облысының Мақат ауданынан әскер қатарына алынып, Алматыға жөнелтіледі.
Сонда құрылып жатқан 316-шы атқыштар дивизиясының құрамында екі ай әскери дайындықтан өткен соң Мәскеуді қорғауға аттанады. Генерал-майор Иван Панфилов қолбасшылық еткен дивизия ұрысқа кіріскен алғашқы күндерден-ақ, ерліктің ерен үлгісін көрсетеді. Қатардағы жауынгер Дүйсен Сүйесінов те батырлығымен көзге түседі.
«Қызыл ту», І, ІІ дәрежелі «Отан соғысы», сондай-ақ, «Қызыл жұлдыз» ордендерімен марапатталған. Сонымен қатар, «Ерлігі үшін», «Әскери қызметтері үшін», «Ленинградты қорғағаны үшін» және т.б. медальдар берілген.
Толығырақ бүгін 22:40-та «Ұлы Жеңіске – 70 жыл» арнайы тележобасынан көре аласыздар.
