Жаңалықтарды Telegram арнамыздан оқыңыз!Халықтың қаржылық салымдары орталықтан аймақтарға ауысуда. Бір жыл ішінде Алматы қаласының үлесі 2 пайызға төмендеп, 49 пайызды құрады.
Өңірлер арасында депозиттер бойынша 6,1 пайызбен Қарағанды облысы көш бастап тұр. Аймақ халқының шұғыл және шартты салым портфелінің көлемі 231,4 миллиард теңгені құрады. Бұл – республикадағы жалпы көлемнің 6 пайызы.
Салымдар көлемі бойынша екінші орында – Шығыс Қазақстан (177,7 миллиард теңге), үшінші – Оңтүстік Қазақстан облысы (131 миллиард теңге) тұр.
Ал, бес жылда республика халқының банктік салымдары 2 есеге ұлғайған. Осы уақыт аралығында аймақтардағы депозиттер көлемі 1,9 есеге өскен.
Адам басына шаққандағы салымдар көлемі бойынша да аймақтар жоғары деңгейді көрсетуде, деп жазады ranking.kz.
