![Астаналық саябақта «Көңілді старт» өтеді](https://cdn.qazaqstan.tv/old/articles/5/article_51227.jpg?w=928&h=522&format=jpg&resize=aspectfill&g=center)
Алдағы демалыс 1-2 тамыз күндері Есіл өзені бойындағы Астаналық саябақта елорда тұрғындары мен қонақтарына арналған «Көңілді старт» ұйымдастырылады. Спорттық сайыстарға үлкендер мен балалардың бәрі қатыса алады. Спорт мерекесінің басталуы сағат 18:00-де.
Сайыс жеңімпаздары мен қатысушыларын бағалы сыйлықтар күтеді. Шараны Астана қалалық Туризм, спорт және дене тәрбиесі басқармасы «Астана – есірткісіз қала!» жобасы аясында өткізіп отыр. Қабылданған бағдарламаға сәйкес биылғы жаздың басынан бері спорттық–бұқаралық шаралар апта сайын өткізіліп келеді, оларға мыңдаған қала тұрғындары мен қонақтары қатысып үлгерді. Акцияның мақсаты – Қазақстандықтар арасында бұқаралық спорт пен салауатты өмір салтын насихаттау.
Қала тұрғындарының қатысуымен бұқаралық спорттық шаралар өткізу спорттық дәстүрге айналды.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Астаналық саябақта «Көңілді старт» өтеді&mh_tags=Qazaqstan&mh_page=https://qazaqstan.tv./news/100910/)