Жаңалықтарды Telegram арнамыздан оқыңыз!Reuters. агенттігінің хабарлауынша, Лондон алдағы 2 жылдың көлемінде Парижге босқындарды өз елдерінде орналастыру үшін 10 млн еуро бөледі.
Ла-Манштағы босқындарға қатысты жағдайдың дағдаруына байланысты Франция мен Ұлыбритания адам контрабандасымен күрес саласында тығыз ынтымақтастық орнатуға бел буды.
«Осы елдердің Ішкі істер министрлері Бернар Казнев пен Тереза Мэй 20-тамыз күні Каледе өткен кездесу барысында Еуротоннель мен қаладағы жағалауларда қауіпсіздік шараларын нығайту туралы және адам контрабандасымен күреске бағытталған командалық, бақылау орталығын құру туралы келісімге қол қойды»,-делінген хабарламада.
Орталықты екі елдің өкілдері тепе-тең жағдайда басқарады, аталмыш тәсіл екі елдің полиция құрылымдарының ынтымақтастығын арттырады деген үміт бар.
10-тамызда Еуроодақ көші-қон мәселесін шешумен айналысып жатқан мемлекеттерге алдағы 6 жылға 2 млрд 400 млн теңге бөлді. Бұл соманың ең қомақтысын немесе 560 млн еуросы Италияға тиесілі. Екінші 470 млн еуро көлеміндегі ірі соманы Греция алады.
Соңғы уақытта жүздеген көшіп-қонушылардың Ла-Манштағы тоннельге жетіп, одан әрі британия жағалауларына жетуге деген бірнеше мәрте ұмтылыстарына байланысты Ұлыбритания Кале қаласындаға қауіпсіздікті нығайтуға мәжбүр. 2015 жылдың сәуір айында Еуроодақ заңсыз көші-қонмен күрес жоспарын бекітіп, көшіп-қонушыларға көмектің жаңа бағдарламасын қабылдады.
Еурокомиссия қазір көшіп-қонушыларды ЕО елдеріне әр елдің экономикалық көрсеткіштеріне байланысты квота бойынша орналастыруды ұсынып отыр.
Биылғы жылы Жерорта теңізі арқылы Еуропаға жетпекші болған 2 мың көшіп-қонушы суға батып, мерт болды.
