Жаңалықтарды Telegram арнамыздан оқыңыз!Бүгін Қазақстанның солтүстік және солтүстік-шығыс аймақтарында атмосфералық фронталды бөліктердің өтуіне байланысты кей жерлерде қар аралас жауын жауады, жел күшейіп, тұман, көктайғақ болады, республиканың қалған аумағында жауын-шашынсыз ауа райы сақталады.
Бұл туралы ҚР ІІМ ТЖК баспасөз қызметі хабарлады.
Ақмола облысының кей жерлерінде бұрқасын болады, түнде желдің күші 15-20 м/с-ға дейін жетеді.
Түнде Солтүстік Қазақстан облысының кей жерлерінде бұрқасын тұрып, жел 15-20 м/с-ға дейін күшейеді. Түнде Қарағанды облысының кей аймақтарында бұрқасын болып, тұман түседі, желдің 15-20 м/с күшеюі күтіледі.
Шығыс Қазақстан облысының кей жерлерінде жел 15-20 м/с күшейеді. Қостанай облысының кей жерлерінде жел 15-20 м/с күшейеді, түнде және таңертең тұман түседі.
Қызылорда, Ақтөбе облыстарында тұман түседі. Күндіз Атырау, Маңғыстау облыстарының кей жерлерінде жел 17-22 м/с күшейіп, шаңды дауыл болады.
Алматы, Жамбыл, Батыс Қазақстан облыстарының кей аймақтарында тұман түсіп, желдің күші 17-22 м/с болады.
