Жаңалықтарды Telegram арнамыздан оқыңыз!Қыздардың сезімін аяққа таптап, оларды пайдаланып кететін еркек атаулылар арамызда аз емес. Қыздар неге алданады? Жігіттермен танысқанда не нәрсеге мән беру керек?
Бағдарламаға келген Қарлығаш өз жігітіне алданып қалғанын айтады. Қазір аяғы ауыр. «Аналар үйінде» тұрады.
«Шымкент қаласының тумасымын. Астанаға бала күтуші болып жұмыс істеуге келдім. Жолда бір жігітпен таныстым. Сол жігітпен телефон арқылы сөйлесіп жүрдік. Кейін маған «сені сүйемін, екеуміз үйленеміз», деп әңгіме айтты.
Біраз уақыттан кейін үйіме қайттым. Онда да телефон арқылы хабарласып тұрдық. Сосын Алматыға бардым. Алматыда болғанымда қайта-қайта телефонға тыныштық бермей, «Астанаға қайт», деді. Оны тыңдап, келдім. Келген соң оның әпкесінің үйінде тұрдық. Көктемде жігітімнің ауылына бардық. Аяғым ауыр. Ол туралы барлығы біледі.
Бірақ біраз уақыттан кейін қуып шықты. «Бала менікі емес» деп отыр. Қазір «Аналар үйінде» тұрамын», - дейді ол.
