Жаңалықтарды Telegram арнамыздан оқыңыз!Астана қаласының Жастар саясаты мәселелері басқармасының бөлім басшысы Ардақ Болатқызы студия қонағы болды.
«Біздің басқарма 2013 жылдан бастап жұмыс істеп келе жатыр. Ең басты бағыты – жастарға мемлекет тарапынан қолдау көрсету, оларды жан-жақты қоғамдық өмірге тарту. Әрине, жастардың санаты әр түрлі. Ол - мектеп оқушылары, студенттер, жұмыспен қамтылғандар, жұмыссыз жастар, мүмкіндігі шектеулілер мен еріктілер. Сондай-ақ біздің мақсатымыз- жастарға әлеуметтік лифтіге мүмкіндік беру. Яғни, олардың бойындағы патриоттық сезімді, жемқорлыққа қарсы төзбеушілікті қалыптастыру, құқықбұзушылықтың алдын алу, құқықтық, діни жағынан сана-сезімдерін дұрыс қалыптастыру. Бұл шараларға кез келген жастар қатыса алады. Ешкімге шектеу жоқ.
Мысал, жазда елімізде өткен үлкен шара – «ЭКСПО-2017» халықаралық көрмесі. Біздің басқармамыз өз тарапынан атсалысты деуге болады. Қала бойынша волонтер жастарымыз мәдени орталықтарда, әуежайда, теміржол бекеттерінде, басқа да шараларда қонақтарға көмек берді. Бұл да - біздің басқарманың үлкен жетістігі», - дейді студия қонағы.
