Жаңалықтарды Telegram арнамыздан оқыңыз!Ұлттық арна эфирінде «Мен қазақпын» мегажобасында кезек дәстүрлі ән жанры бойынша ақтық сынға жолдама алған әншілерге келді. Сонымен, ән жарысын бастау үшін сахнаға Алматының үмітін арқалап келген Сәулежан Тақзия шықты. Оның тәлімгері – белгілі күйші, музыкатанушы Жарқын Шәкәрім. Сәулежан Тақзия финалда Ә.Найманбаевтің «Інжу маржан» әнін орындады.
Мырзатай Жолдасбеков:
- Сәулежанның дауысына әбден қанықпыз. Табиғатынан әнші екен.
Ұлжан Байбосынова:
- Өткен жолы да айтқан болатынмын, Сәулежанның домбырамен орындағанынан гөрі, ансамбльмен орындағаны өте ұтымды шығады. Сол жағынан жобамыздың талабына өте сайма-сай келіп жатыр. Өзінің орындаушылық деңгейін ансамбль арқылы көрсетіп, дәлелдеді.
