![Жасөспірімдерге психикалық денсаулығын нығайтуға қалай көмектесуге болады?](https://cdn.qazaqstan.tv/old/articles/1/article_108116.jpg?w=928&h=522&format=jpg&resize=aspectfill&g=center)
19-20 қаңтар күні Алматыда Қазақстан Республикасының Денсаулық сақтау министрлігінің және Білім және ғылым министрлігінің қолдауымен, БҰҰ Балалар қоры (ЮНИСЕФ), Bilim Foundation қоғамдық қоры, Республикалық психикалық денсаулық ғылыми-практикалық орталығы және әл-Фараби атындағы ҚазҰУ жасөспірімдердің психикалық денсаулығын нығайту және суицидтердің алдын алу мәселелеріне арналған алғашқы конференция өткізеді.
Конференция жұмысына мамандандырылған халықаралық ұйымдардың өкілдері, психикалық денсаулық саласындағы отандық және әлемдік жетекші мамандар қатысады.
Жыл сайын әлемдегі жасөспірімдердің 10%-ы дене мүшелерін зақымдайды және 67,000 жасөспірім өздеріне салған жарақаттары нәтижесінде көз жұмады. Суицид жасөспірімдік жастағы қыздар мен ұлдар арасында тысқары себептерден көз жұмудың басты себептері арасында тұрақты орныққан.
Конференция аясында Қазақстан ЮНИСЕФ-тің қолдауымен әзірленіп және енгізіліп жатқан психикалық денсаулық және өмірлік дағдыларды қалыптастыру, кәмелет жасқа толмағандар арасында суицидтің алдын алуға бағытталған кешенді бағдарламаның нәтижелерін ұсынады.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Жасөспірімдерге психикалық денсаулығын нығайтуға қалай көмектесуге болады?&mh_tags=Qazaqstan&mh_page=https://qazaqstan.tv./news/114158/)