Жаңалықтарды Telegram арнамыздан оқыңыз!Синоптиктер 13-15 шілде аралығында ауа райы қандай болатынын айтты.
Ирак және Иран аумағынан көтерілген ыстық әрі құрғақ ауаның жылжып келуі Қазақстандағы аптап ыстыққа себеп болып отыр. Демалыс күндері республиканың басым бөлігінде ең жоғары ауа температурасы +35°С - +40°С шамасында болады. Оңтүстік өңірлерде бұдан да ыстық болып, күндіз ауа температурасы +40°С - +45°С-қа дейін көтерілуі мүмкін, деп хабарлайды Қазгидромет.
Ал шығыс өңірде аздап салқындау болып, кейбір аудандарда өткінші жаңбыр жаууы мүмкін, ауа температурасы күндіз +25,+35°С аралығында болады.
Қазақстанның батысында да кей аудандарда жаңбыр себелеп өтіп, найзағай ойнауы мүмкін, ыстық аздап басылады.
