Жаңалықтарды Telegram арнамыздан оқыңыз!Алматыда балабақшадан бала ұрламақшы болған тәрбиеші 6 жылға бас бостандығынан айырылды.
Естеріңізде болса, жазда қаладағы № 96 бөбекжайда жүзін жасырған әйел 5 жасар баланы алып кетуге әрекеттенген еді. Алайда күдікті дереу қолға түсіп, уақытша оқшаулау абақтысына қамалған. Бүгін Медеу аудандық сотында Саягүл Жаңалық қылмысқа дайындалу және қылмыс жасауға әрекет ету бабы бойынша айыпталып, темір торға қамалды.
Тұрсынхан Салықов, Медеу аудандық №2 сотының судьясы:
Сотталған Саягүл Жаңалыққа қатысты бас бостандығынан айыру жазасы 2019 жылдың 25-шілдеден бастап есептелсін. Саягүл Жаңалықтан жәбірленушілерге өтемақы қорының пайдасына 20 АЕК көлемінде құрайтын 50500 теңге мәжбүрлі төлем өндірілсін.
Амангелді СЕЙІТХАН
