Жаңалықтарды Telegram арнамыздан оқыңыз!Президент Қасым-Жомарт Тоқаев бүгін Қорғаныс министрін қабылдады. Нұрлан Ермекбаев әуелі Арыс қаласындағы төтенше жағдайдың салдарын жою туралы мәлімет берді. Оның айтуынша, еліміздегі барлық оқ-дәрі қоймаларына тексеру жүргізілген. Министр бас штабтың және әскери басқарманың жергілікті органдарының 300-ден аса штаттық бірлігі оңтайландырылғанын, соның есебінен 2020 жылдан бастап жыл сайынғы үнем 450 миллион теңгеден асатын айтты. Кездесуде кезекті әскер қатарына шақыру науқанының қорытындылары, қысқы оқыту маусымына дайындық және әскери қызметшілерді әлеуметтік тұрғыдан қорғау мәселелері де қозғалды.
Ербол МӘНДІБЕК
