Жаңалықтарды Telegram арнамыздан оқыңыз!Қазақстанның халық жазушысы, көрнекті ақын және қоғам қайраткері Фариза Оңғарсыноваға елорданың сол жағалауында көше атауы берілді. Салтанатты шараға қоғам және мемлекет қайраткерлері мен Фариза Оңғарсынованың ұлы Алмас Оңғарсынов қатысты. Ақын есімі ЭКСПО қалашығы жанындағы жаңа көшеге берілді. Көшенің ашылу рәсіміне ақынның оқырмандары көп жиналды. Олар қазақтың дана қызы Фаризаның есімін өскелең ұрпақ ешқашан ұмытпайды деген сенімде.
Түс ауа Ұлттық академиялық кітапханада Фариза Оңғарсынованың «Шілде» және «Полдневный Жар» кітаптарының тұсаукесері өтті. Шараға ақынның замандастары мен жас ақын-жазушылар қатысты. Поэзия падишасы 2014 жылы 75 жасқа қараған шағында көз жұмған еді.
Ғабит БӨКЕНБАЙ
