![98 рет жол ережесін бұзған жүргізуші 6 млн айыппұл төлейді](https://cdn.qazaqstan.tv/2019/12/4/1575441060334.jpg?w=928&h=522&format=jpg&resize=aspectfill&g=center)
Елордалық полицейлер 98 рет жол ережесін бұзған көлік иесін ұстады, деп хабарлады Нұр-Сұлтан қаласы полиция департаментінің баспасөз қызметі.
«3 желтоқсанда полиция Volvo Xc90 маркалы автокөлікті тоқтатты. Бейнебақылау камераларын тексеру барысында көлік иесінің жол ережесін бұзғаны анықталды. Ал көлік құжатын тексерген кезде жүргізушісінің 6 млн 95 350 теңгеге 98 рет жол ережесін бұзғаны белгілі болды», - делінген хабарламада.
Сондай-ақ, тәртіп сақшылары жол ережесін жиі бұзатын тағы бір жүргізушіні ұстапты.
«Патрульдік полицейлер "Lexus LX 570" маркалы автомобильді тоқтатты. Тексеріс барысында жүргізуші жалпы соммасы 2 млн 489 650 теңгеге 49 рет жол ережесін бұзғаны анықталды», - деп мәлімдеді баспасөз қызметі.
Қазіргі таңда екі автокөлік те айыппұл тұрағына жеткізілген.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=98 рет жол ережесін бұзған жүргізуші 6 млн айыппұл төлейді&mh_tags=Qazaqstan&mh_page=https://qazaqstan.tv./news/119848/)