Жаңалықтарды Telegram арнамыздан оқыңыз!Ақтауда заңсыз салынып жатқан 10 тұрғын үйдің құрылысы тоқтады. 40 тан астам құрылыс компаниясына 45 млн теңге көлемінде айыппұл салынды. КСМ: Қазір облыс орталығында 67 тұрғын үй салынып жатыр. Барлығы да жеке меншік жерде орналасқан. Алайда, 20 ға жуығы құрылысты бастауға рұқсат құжаттарын рәсімдемеген. Тағы бір нысан әкімшілік ғимарат салынуы тиіс жерде заңсыз бой көтергені анықталды. Құзырлы органдар оның да құрылысын тоқтатты. Тұрғын үй құрылысын жүргізіп жатқан компанияларға үлескерлердің қаражатын тартуға рұқсат жоқ. Сол себепті мамандар нақты ақпаратты әкімдіктен алуға кеңес берді.
Аягөз ОРАЛБАЙҚЫЗЫ
