Жаңалықтарды Telegram арнамыздан оқыңыз!Шығыс Қазақстан облысында аязға байланысты сабақтар болмайды, деп хабарлайды ШҚО Төтенше жағдайлар департаментінің баспасөз қызметі.
Білім басқарамасының мәліметіне сәйкес, 30 қаңтарда -30 градус аязға байланысты Семей қаласында бірінші ауысымдағы 1-4 сынып оқушыларына сабақ болмайды.
Сонымен қатар, Шемонаиха, Ұлан, Бородулихин, Күршім, Катонқарағай аудандары мен Курчатов және Риддер қалаларында бірінші ауысымдағы бастауыш сынып оқушылары мектепке бармайды.
Сол аралықта Көкпекті, Бесқарағай аудандарында 1-ден 11-сыныпқа дейін сабақ тоқтатылды, ал Алтай ауданында бірінші ауысымдағы 1-9 сынып оқушыларына сабақ болмайды.
Сонымен қатар бүгін ауа райының қолайсыздығына байланысты Нұр-Сұлтан мектептерінің бірінші ауысымдағы 0-9 сынып оқушылары үшін де сабақ болмайды.
