Жаңалықтарды Telegram арнамыздан оқыңыз!Синоптиктер 4-6 ақпан аралығында ауа райы қандай болатынын айтты.
Қазақстанға жылжып келе жатқан оңтүстік циклон мен атмосфералық фронттардың әсерінен көптеген облыста қайтадан жауын-шашын, жылбысқы қар жауады. Солтүстік, орталық және шығыс облыстарда қар жауып, боран соғады. Күшті екпінді жел тұрып, көктайғақ болады.
Жылы ауа массаларынан оңтүстік пен батыста ауа температурасы айтарлықтай жоғарылайды.
Ал алдағы тәуліктерде температураның жылымыққа дейін көтерілуі Қазақстанның қалған аймақтарында да басталады.
Солтүстік, орталық және шығыс облыстарда күндізгі температура минус -5... +5°С-қа дейін, оңтүстік және батыста +3…+8°С болады. Қиыр оңтүстікте +15°С-қа дейін болжанып, орташа көпжылдық мәннен 5…14°С-қа жоғары болады, деп хабарлайды Қазгидромет.
