Қордайдағы оқиғаға жол бергені үшін Президент бүгін бірқатар лауазымды тұлғаларды қызметінен босатуды тапсырды. Нақтырақ айтқанда, Қасым-Жомарт Тоқаев Жамбыл облысы Әкімінің әлеуметтік мәселелер жөніндегі орынбасары Сұлушаш Құрманбекованы, сондай-ақ Қордай ауданының әкімі Болатбек Байтөлені қызметінен алуды міндеттеді. Себебі шенеуніктер жұмыстарына салғырт қараған, соның салдарынан кісі өлімі болып, тұрғын үйлер қирап, азаматтардың дүние-мүліктері бүлінген. Сонымен қатар Мемлекет басшысы Ішкі істер министрі Ерлан Тұрғымбаевқа, Жамбыл облысы Полиция департаментінің басшысы Арман Оразалиевті және Қордай аудандық полиция бөлімінің басшысы Азамат Айқымбековті қызметінен босатуды тапсырды.
Армангүл ТОҚТАМҰРАТ
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Президент бірқатар лауазымды тұлғаны қызметінен босатуды тапсырды&mh_tags=Qazaqstan&mh_page=https://qazaqstan.tv./news/122615/)