Коронавирустың кесірінен Қытай валютасы тағы құлдырап жатыр. Қор биржасындағы сессияға сай, 1 юань – 53 теңгеге тең. Яғни соңғы бір айда шамамен 5 теңгеге арзандаған. Қытай ақшасы әлсіреп жатқаны еліміз үшін кері әсер етуі мүмкін екенін айтады сарапшылар. Өйткені мұнда өндіріс көлемі азайып, экспорт қысқарып жатыр. Соның салдарынан Қазақстанға келетін Қытай өнімдері де азаюы ықтимал. Ал тапшылық бар жерде құнның да шарықтайтыны белгілі. Сондықтан «made in China» деген жазумен келетін түрлі техника, киім-кешектен бастап, жеміс-жидекке дейін сәл қымбаттауы ғажап емес. Ал юаньнің әлсіреуіне АҚШ-пен арадағы сауда соғысы да себеп екенін айтады мамандар.
Досжан МАРАТҰЛЫ
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Қытайдан келетін тауарлар қымбаттауы мүмкін&mh_tags=Qazaqstan&mh_page=https://qazaqstan.tv./news/123390/)