Мұнай бағасының өсуі төл валютаға да әсер етіп жатыр. Сәуір айының басынан бері төл ақшамыз 13 теңгеге нығайды. Қазақстан қор биржасындағы бүгінгі сауданың қорытындысы бойынша бір доллар 435 теңге 54 тиынға бағаланды. Дегенмен, бұл наурыз айындағы теңгенің әлсіреген тұсын толтыра алмай тұр. Наурыздың 10-ы күні 1 доллар 382 теңге болса, 31-і күні 448 теңгеге бағаланды. Яғни үш аптаның ішінде шамамен 17 пайызға әлсіреді. Бұл кезеңде мұнай бағасы күрт арзандап, барреліне 22 долларға дейін құлдыраған. Ал осы кезеңде нарықтағы тұрақтылықты мейілінше сақтап тұру үшін Ұлттық банк валюталық интервенция жасауға мәжбүр болған. Наурыз айында ол үшін қазынадан 1,5 миллиард доллар жұмсалды.
Шерхан ЖАМБЫЛҰЛЫ
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Сәуір айынан бастап ұлттық валюта 13 теңгеге нығайды&mh_tags=Qazaqstan&mh_page=https://qazaqstan.tv./news/125403/)