Жаңалықтарды Telegram арнамыздан оқыңыз!Халық үшін «Бірыңғай жинақтаушы зейнетақы қорына» қарағанда депозитке ақша салу тиімдірек. Бұл туралы Сенат депутаты Мұрат Бақтиярұлы айтты. Бүгінде елімізде экономикалық тұрғыдан белсенді адамдардың саны шамамен 10 миллион, олардың 6 миллионы ақшаларын зейнетақы қорына аударып жатыр. Бірақ, соңғы 12 айда ақша аударған адамдардың саны 1,3 миллион адам ғана. «Бұл төмен көрсеткіш»,- дейді сенатор. Оның айтуынша, өңірлерге барғанда жұртшылықты алаңдататын басты сұрақ осы.
Мұрат Бақтиярұлы, ҚР Парламенті Сенатының депутаты:
- Кезінде 7-8 зейнетақы қоры болды. Бәрін жаптық. Халық былай дейді: «ақшамызды депозитке салайық, себебі,онда жылына 10-11 пайыз , ал «БЖЗҚ»-ның төлемі айтарлықтай төмен. Зейнетақы қорының табысы неге төмен? Оның себебі не?
Дина Ғалиева,ҚР Ұлттық банкі төрағасының орынбасары:
- Зейнетақы активтерінің табысы 8 айда 7,28 пайыз болды. Инфляция деңгейі 2,9 болғанын ескеру керек. Яғни, таза табыс 4,38 пайызды көрсетті. Мемлекет кепілдігі, инфляция бар. Біздің табысымыз инфляциядан әлдеқайда жоғары.
Индира БЕГАЙДАР
«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.
