![Қазақстанда COVID-19 індетінен 51 медицина қызметкері көз жұмды](https://cdn.qazaqstan.tv/2020/7/16/1594883207343.jpg?w=928&h=522&format=jpg&resize=aspectfill&g=center)
Қазақстанда COVID-19 індетінен 51 медицина қызметкері көз жұмды.
Бұл туралы ҚР ДСМ Тауарлар мен көрсетілетін қызметтердің сапасы мен қауіпсіздігін бақылау комитетінің төрағасы Тимур Сұлтанғазиев айтты.
«Олардың туған-туыстары мен жақындарының қайғысына ортақтаса отырып, көңіл айтамыз. Мемлекет басшысымен 13 шілдеде өмірден өткен әріптестеріміз мемлекеттік наградалармен марапатталды, 42 медицина қызметкері марапат алды. Өтемақы тұрғысында әрбір жағдайды жеке зерттейтін тиісті механизм бар. Осыдан кейін ақпарат Денсаулық сақтау министрлігіне жолданады. Денсаулық сақтау министрлігі ақпаратты тексеріп, мәліметтерді Еңбек және халықты әлеуметтік қолдау министрлігіне жолдайды. Содан кейін Мемлекеттік әлеуметтік сақтандыру қорынан төлем аударылады», - деді Тимур Сұлтанғазиев.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Қазақстанда COVID-19 індетінен 51 медицина қызметкері көз жұмды&mh_tags=Qazaqstan&mh_page=https://qazaqstan.tv./news/129185/)