Жаңалықтарды Telegram арнамыздан оқыңыз!Орталық сайлау комиссиясы 14 облыс пен Нұр-Сұлтан, Алматы және Шымкент қалалары сайлау комиссияларының хаттамаларының негізінде сайлаудың ойдағыдай өткендігін растады. Бірде-бір заң бұзушылық тіркелмеген. Әр деңгейдегі 3069 Мәслихат депутатының 2889-ы, немесе 94,1 проценті өз таңдауын жасады. Оның қортындысы бойынша 4 Сенат депутаты жоғарғы палатаға қайта сайланды. Түркістан облысынан Әли Бектаев, Шымкенттен Айгүл Қаппарова, Қарағандыдан Сергей Ершов және Солтүстік Қазақстаннан Ольга Перепечина кезекті рет сенім мандатына ие болды. Ал қалған 13 сенатордың қатарында экс-министр, облыс әкімінің орынбасарлары, аудан әкімдері, ғалымдар мен кәсіпкерлер бар.
Берік Имашев, ҚР Орталық сайлау комиссиясының төрағасы:
Бұл сайлау науқанының ерекшелігі әйелдердің саяси белсенділігінің артуы болып табылады. Яғни, сайланған 17 депутаттың 5-і әйелдер, бұл 29,4%-ды құрайды. 2014 және 2017 жылдардағы сайлауда бұл көрсеткіш тек 6% болған.
Азамат Алдоңғар
