Жаңалықтарды Telegram арнамыздан оқыңыз!Коронавируспен күресте Түркістан облысының дайындығы жақсы. Жұмысты жүйелі әрі ұтымды ұйымдастыра білді. Бүгін өңірге жұмыс сапарымен келген Денсаулық сақтау министрінің орынбасары Ажар Ғиният облыс медицинасына осындай баға берді. Вице-министр алдымен Ордабасы ауданындағы орталық ауруханаға соқты. Емдеу мекемесінде қазір бірде- бір ковид жұқтырған науқас жоқ. Аурухана 120 мың тұрғынға қызмет көрсетеді. Ауданда коронавируспен 158 адам ауырып, өкінішке қарай, екеуі қайтыс болған. 9 өкпені жасанды желдету аппараты және 70-тен астам оттегі концентраты бар. Дәр-дәрмек қоры да жеткілікті. Вице министр бұдан соң Түркістан облыстық нөмірі №3 Перинаталды орталық пен медициналық жедел-жәрдем стансасының қызметімен танысты.
Ажар Ғиният, ҚР Денсаулық сақтау Вице-министрі:
Бұл вирус ешқайда кеткен жоқ. Санитарлық талаптарды әлі де ұмытуға болмайды. Вирустыжұқтырмау үшін қауіпсіздік шараларын қатаң сақтауымыз қажет. Қазір медициналық ұйымдардың індетпен күресте жоғары дайындығын байқауға болады.
Гүлжазира Ғалиқызы
