Бейрут портында лапылдаған өртке қасақана әрекет, техникалық қателік немесе салғырттық себеп болуы мүмкін. Мұны осы елдің президенті Мишель Аун мәлімдеді. Өрт бейсенбі күні басталып, бірнеше сағатқа созылып, Ливан астанасын көк түтін басып, өткен айдағы алапат жарылыстарды еске салып, жергілікті халықты қатты үрейенлендірді. Айта кетсек, тамыздың 4-де мұнда қойма жарылып, 190 адам қаза тауып, 6 мыңдайы жараланған еді.
АҚШ-тың Орегон штатында орман өртінен жарты миллионнан астам адам қашты. Сонымен қатар, бес қалашық қирап, 7 тұрғын мерт болған. Жалпы алғанда, қазір ормандар елдің 12 штатында жанып жатыр. Жалынның қаулауына аптап ыстық пен жел себепші.
Арыстан Рысбек
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Бейрут порты тағы өртенді&mh_tags=Qazaqstan&mh_page=https://qazaqstan.tv./news/130914/)