Жаңалықтарды Telegram арнамыздан оқыңыз!«Nur Otan» партиясы төрағасының бірінші орынбасары Бауыржан Байбек партия жоспарларымен бөлісіп, праймериздің маңыздылығын түсіндіру мақсатында Алматы облысына келді. Қапшағай және Талдықорған қалаларында болып тұрғындармен кездесіп, партияның жаңа стратегиялық міндеттерін жеткізді. Сондай-ақ, өңірдің әлеуметтік жағдайымен танысып, білім саласындағы реформалардың жүзеге асырылуын, оқушылардың қажетті компьютер және ғаламтор байланысымен қамтылуын пысықтады. Ұстаздар қауымымен ой бөлісіп, облыс активімен дидарласты. Алматы облысының алдағы бес жылдағы даму бағдарламасын бағамдап, партиялық праймериздің басты мақсаттарына тоқталды.
