Жаңалықтарды Telegram арнамыздан оқыңыз!Орталық коммуникациялар қызметінде Денсаулық сақтау министрі Алексей Цойдың қатысуымен брифинг өтуде.
«Өкінішке қарай, пандемия басталғаннан бері Қазақстан 182 медицина қызметкерінен айырылды. Аймақтық комиссиялар 58 отбасының өтемақы төлеу туралы өтінішін мақұлдады. 36 отбасы өтемақы алды», - дейді министр.
Сонымен қатар, Алексей Цойдың айтуынша, елімізде 12 830 дәрігер коронавирус не пневмония жұқтырған. Бірақ, аймақтық комиссиялар 13 мыңға жуық дәрігердің 8 399-ы ғана қызмет бабында ауру жұқтырды деген қорытынды шығарған.
«2020 жылдың 30-қыркүйегіндегі жағдай бойынша, елімізде 12 830 медицина қызметкері коронавирус және пневмониямен ауырып шықты. Олардың ішінде 8 339 дәрігер жұмыс кезінде вирус жұқтырды деген қорытынды бар. Қызмет кезінде ауырғаны үшін 3 454 адамға өтемақы төленді», - дейді министр.
