Жаңалықтарды Telegram арнамыздан оқыңыз!Әлемде коронавирусқа шалдыққандар саны 36 миллионнан асты. Франция инфекцияның таралу қарқыны жоғары өңірлерде шектеу шараларын күшейтіп жатыр. Өткен тәулікте елде 19 мыңдай адам COVID-19 жұқтырған. Жалпы науқастар саны 700 мыңға жуықтап, 32 мыңнан астамы қайтыс болды.
Германия билігі де коронаврустың күрт өршегеніне алаңдап отыр. Олар Еуропадағы эпидахуалдың ушығуынан қауіптенеді. Дәрігерлердің хабарлауынша, соңғы уақытта жұқпалы дерт жастардан көп анықталып отыр.
Латын Америкасында да жағдай мәз емес. Бразилияда вирус жұқтырғандардың жалпы саны 5 миллионнан асты.150 мыңдай адам індеттен көз жұмды. Денсаулық сақтау мамандары адамдардың босаңсып кетуіне ел билігін айыптап, талаптарды күшейтуді ұсынып отыр.
Жансая Қапасқызы
