ШҚО-ы Мақаншы ауылындағы кісі өліміне қатысты тергеу әлі жалғасып жатыр. Естеріңізге сала кетейік, 17 қазан күні Мақаншы ауылдық полиция бөлімінде 33 жастағы Азамат Оразалы қаза тапқан болатын. Осы оқиғаға қатысты «Азаптау» бабы бойынша іс қозғалды.
Үш полиция қызметкері қамауға алынып, екі бөлім басшысы қызметінен босатылды. Қазір тергеумен облыстық прокуратураның арнайы прокурорлар бөлімі айналысуда. Азамат Оразалының қалай мерт болғандығын анықтау үшін тағайындалған сот-медициналық сараптамалар нәтижесі де әлі белгісіз. Облыстық прокуратура тергеу толық аяқталмайынша, ақпарат таратпайтындығын мәлімдеп отыр.
Ержан Жақып
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Полиция бөліміндегі кісі өліміне қатысты іс тергеліп жатыр&mh_tags=Qazaqstan&mh_page=https://qazaqstan.tv./news/133284/)