Қарағанды облысының Сәтбаев қаласында 6 жасар қызды қаңғыбас иттер талап тастады. Баланың шырылдаған дауысын естіген ата-анасы далаға атып шығып, араша түскен. Дереу жедел жәрдем шақыртылған. Алайда ауыр жарақаттан сәби жан тапсырған. Жантүршігерлік оқиға кеше кешкілік қала маңындағы саяжайлар аумағында болды. Полиция қызметкерлері отбасының осы саяжайда тұратынын анықтады. Сол күні бала аулада үлкендердің қарауынсыз ойнап жүріп, қаңғыбас иттердің ортасында қалып қойған. Қазір бұл оқиға бойынша қылмыстық іс қозғалды. Баланың ата-анасын жауапқа тарту мәселесі қаралуда.
Бақытжан Құдияров, облыстық Полиция департаментінің ресми өкілі:
Қайғылы оқиға бойынша қылмыстық іс тіркелді. Тиісті сараптамалар тағайындалуда. Оқиғаның мән-жайы анықталуда.
Руслан Нұрланұлы
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Сәтбаевта 6 жасар қызды иттер талап өлтірді&mh_tags=Qazaqstan&mh_page=https://qazaqstan.tv./news/133747/)