![Газ құбырының ақауын әкімдер өз бюджетінен жөндейді – Асқар Мамин](https://cdn.qazaqstan.tv/2020/11/24/1606190843940.jpg?w=928&h=522&format=jpg&resize=aspectfill&g=center)
Премьер-министр Асқар Мамин хабарлағандай, Қазақстанды газбен жабдықтау нысандары әкімдердің қолынан пайдаланушы ұйымдардың балансына өтіп жатыр. Бірақ, болашақта қай аймақтағы газ құбыры бұзылса, жөндеуге кететін ақшаны сол аймақтың әкімі өз бюджетінен шығарады.
«Қазі өңірлерде газбен жабдықтау нысандарының саны мыңнан асады. Олар қайта жаңғыртуды қажет етеді. Қазір осы нысандар әкімдіктерден пайдаланушы ұйымдардың балансына өтіп жатыр. Қайта жаңғырту кезінде пайда болған ақаулар, жөндеу жұмыстар қосымша шығын тудырады. Сондықтан, Түркістан, Ақтөбе, Жамбыл, Маңғыстау, Батыс Қазақстан, Алматы облыстарының және Алматы қаласының әкімдері жергілікті бюджеттен қажетті қаражатты қарастырсын», - деді үкімет отырысында Асқар Мамин.
Айта кетейік, бұған дейін хабарлағынымыздай, Қазақстанды газдандырудың бас сызбасына өзгеріс енетін болды. Өйткені, Премьер атап өткендей, газ тартылған аймақтардың халқы өседі, тұтыну көлемі артады.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Газ құбырының ақауын әкімдер өз бюджетінен жөндейді – Асқар Мамин&mh_tags=Qazaqstan&mh_page=https://qazaqstan.tv./news/134077/)