Себебі, оларға сұйытылған көгілдір отын жүйелі бөлінбейді. Кәсіпкерлердің айтуынша, айына берілетін 4-5 тонна газ 1-ақ күнде сатылып кетеді. Амалсыз бекеттерді жабуға тура келген. Соның салдарынан 1 жарым мыңдай адам жұмыссыз қалды. Бекет иелері облысты газбен қамтамасыз етіп отырған 5 ұйымды түгел жабуды талап етеді. Өйткені, олар газды «Қазақ газ өңдеу» зауытынан 43 теңгеден алып, 50 теңгеден саудалауда, делдалдық қызметті де тиісті деңгейде атқармай отыр -, дейді кәсіпкерлер. Газ құю станцияларының қожайындары көгілдір отынды сенімхат арқылы зауыттан өздері-ақ тасып отырғандарын айтады. 2 жыл бұрын басталған мәселе бүгінде ұшығып тұр. Бекеттердің басым бөлігі жұмысын тоқтатқан соң, басқаларында ұзын-сонар кезек.
Тобанияз Боханов, кәсіпкер:-Қазір 4 тоннадан аламыз. 5,7 тонна ай сайын. Ол 1 күнде сатылады немесе жарты күнде сатылады.
Бауыржан Ерпанов, облыстық энергетика басқармасының газ бойынша инспекторы:-15 күн ішінде қараймыз. Министрлікке жібереміз. Олар тағы да жауап бергенде уақыт кетеді. 30 күндей.
Қызылорда облысында да АИ-92 маркалы бензин тапшы. Өңірдегі май-құю бекеттерінде бензиннің бұл түрі бірнеше күннен бері тек талонмен беріліп жатыр.
Жанар-жағар майдың тапшылығы әсіресе, ауылдағы көлік жүргізушілеріне қиындық туғызуда. Бензин таппаған жұрт май құю бекеттерін жағалап жүр. Облысқа мұнай өңдеу зауыттарынан қажетті мөлшерде шикізаттың жеткізілмеуінен АИ-92-нің тапшылығы туындады дейді мамандар.
Аягөз Оралбайқызы
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Маңғыстауда 300-ге жуық газ бекеті жабылудың алдында тұр&mh_tags=Qazaqstan&mh_page=https://qazaqstan.tv./news/134426/)