![Қызылорда облысында УАЗ көлігі мұз астына түсіп кетіп, 4 адам қаза тапты](https://cdn.qazaqstan.tv/2020/12/9/1607495249415.jpg?w=928&h=522&format=jpg&resize=aspectfill&g=center)
8 желтоқсанда Арал ауданы Қамыстыбас ауылынан 35 шақырым жердегі Қамбаш көлінде УАЗ автокөлігі мұз астына түсіп кетіп, 4 адам қаза тапты. Бұл туралы Төтенше жағдайлар министрлінің баспасөз қызметі хабарлады.
Водомствоның ресми өкілі Талғат Уәлидің айтуынша, салонда 7 адам болған. 3 адам көліктен шығып үлгерген. Құтқарушылар суға батып кеткен 4 адамның денесін алып шықты.
«7 метр тереңдікте (мұздың қалыңдығы 25 см) УАЗ автокөлігі табылды. Автокөліктің ішінде қайтыс болған адамдардың денеcі бар. Сағат 10:05-те құтқарушылар қаза тапқан 4 адамның мәйітін полиция қызметкерлеріне тапсырды.
Іздестіру жұмыстарына Қызылорда облысы ТЖТ-ның, Полиция департаментінің, жергілікті атқарушы органдардың күштері мен құралдары және туыстары (27 адам, 7 бірлік техника) жұмылдырылды», - деді ресми өкіл.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Қызылорда облысында УАЗ көлігі мұз астына түсіп кетіп, 4 адам қаза тапты&mh_tags=Qazaqstan&mh_page=https://qazaqstan.tv./news/134689/)