![«Маңғышлақ-Ақтөбе» пойызының жүк вагоны өртеніп, 5 адам жарақат алды](https://cdn.qazaqstan.tv/2020/12/14/1607919508597.jpg?w=928&h=522&format=jpg&resize=aspectfill&g=center)
«Маңғышлақ-Ақтөбе» пойызының жүк вагоны өртенді. Бұл туралы ТЖМ баспасөз қызметі хабарлады.
«14 желтоқсанда таңғы сағат 04:30-да Маңғыстау облысының Төтенше жағдайлар департаментіне Бейнеу ауданының аумағында орналасқан № 464 айырығы ауданында № 109 «Маңғышлақ-Ақтөбе» жолаушылар пойызының жүк тасымалдау вагоны жанғаны туралы ақпарат келіп түсті. Оқиға орнына ТЖ департаменті, Апаттар медицинасы орталығы, «ҚазмұнайТеңіз» МӨҚҚ және «ҚТЖ» компаниясыннан барлығы 30 адам, 7 техника және 1 өрт пойызы жіберілді. Өрттің басқа вагондарға таралуына жол бермеу үшін вагоны жолаушылар вагонынан ажыратылған.
Өрт салдарынан 5 адам, оның ішінде 1 бала түрлі дәрежедегі күйік алған. Барлық зардап шеккендер жүк вагонында болған. Зардап шеккендер Бейнеу ауылындағы орталық ауруханаға жеткізілді», - деді ведомствоның ресми өкілі Талғат Уәли.
Болжам бойынша, өрттің шығуына жүк вагонындағы газ баллонының жарылуы себеп. Жүк вагоны толығымен жанып кеткен. Оқиғаның мән-жайын анықтау үшін Маңғыстау облысы ТЖ департаментінің өрт сөндіру зертханасы жіберілді.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=«Маңғышлақ-Ақтөбе» пойызының жүк вагоны өртеніп, 5 адам жарақат алды&mh_tags=Qazaqstan&mh_page=https://qazaqstan.tv./news/134877/)