![Шымкентте 70 жастағы әжені зорламақ болған адам іздестіріліп жатыр](https://cdn.qazaqstan.tv/2020/12/20/1608445650795.jpg?w=928&h=522&format=jpg&resize=aspectfill&g=center)
Шымкентте 70 жастағы әжені зорламақ болған ер адамға іздеу жарияланды. Бұл туралы қалалық Полиция департаментінің баспасөз қызметі хабарлады. Оқиға 17 желтоқсанда болған.
«Еңбекші аудандық полиция басқармасына сағат 23:15-те қарт әйелге көмек керек деген шақырту келіп түсті. Оқиға орнына келген жедел-тергеу тобы үйдің кіреберісінде белгісіз біреу 1950 жылы туған әйелді зорламақшы болғанын анықтады. Сол күні аталған жайт ҚР ҚК-нің 24-бабы 3-бөлігі-120-бабы 1-бөлігі (зорлауға әрекет ету) бойынша Сотқа дейінгі тергеп-тексерудің бірыңғай тізіліміне тіркелді», - делінген хабарламада.
Тергеу барысында полицейлер күдіктінің кім екенін (Шымкент тұрғыны болып шықты) және оның бұрын бірнеше рет істі болғанын анықтады.
«Күдіктіні ұстау үшін қажетті жедел-іздестіру іс-шаралары басталды», - деп хабарлады ПД баспасөз қызметі.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Шымкентте 70 жастағы әжені зорламақ болған адам іздестіріліп жатыр&mh_tags=Qazaqstan&mh_page=https://qazaqstan.tv./news/135014/)