Жаңалықтарды Telegram арнамыздан оқыңыз!Бүгін түс ауа Президент Қасым-Жомарт Тоқаев Парламент сайлауында жеңіске жеткен үш партия жетекшілерімен кездесті. Басқосу барысында Үкімет басшысының лауазымына Асқар Маминнің кандидатурасын ұсыну жөнінде ақылдасты. Конституцияда белгіленген тәртіпке сай, Мемлекет басшысы Премьер-министрдің кандидатурасын фракция басшылармен ақылдасып шешуі шарт.
Қасым-Жомарт Тоқаев, ҚР Президенті:-Премьер лауазымына Маминді кандидатурасын ұсынамын. Білікті басшы. Дағдарыс кезінде өз қызметін ойдағыдай атқарды. Арыс жарылысында, Мақтааралды су басқан уақытта, пандемияға қарсы күресте өзін тек қана жақсы жағынан көрсете білді. Сондықтан осы кандидатураны ұсынамын.
