Жаңалықтарды Telegram арнамыздан оқыңыз!Жыл басынан бері әлеуметтік маңызы бар азық-түлік бағасы 3,2 пайызға қымбаттаған. Шұғыл шара қабылданып, биыл наурызда бағаны тұрақтандыру бойынша арнайы жол картасы қабылданды. Нәтижесінде наурызда азық-түлік құнының өсуі бәсеңдеген. Бұл туралы бүгін Үкімет отырысында айтылды. Бағаның шарықтауы әсіресе Атырау және Жамбыл облыстарында байқалып отыр. Осы өңірлердегі жауапты шенеуніктер жазаланатын болды. Жалпы, жыл басынан бері ел экономикасы едәуір өскен. бюджет кірісі жоспардағыдан да артық орындалған. Инфляция да 7 пайыз шамасында болды.
Асқар Мамин ҚР Премьер-Министрі:
Жалпы алғанда, біз экономиканың негізгі салаларындағы көрсеткіштердің біртіндеп жақсару үрдісін көріп отырмыз. Экономикалық белсенділікті арттыру үшін қосымша жағдайлар жасау мақсатында Үкімет бизнесті қолдау аясында кешенді шараларды іске асыру арқылы жұмысты жалғастырады.
Оңғар Алпысбайұлы
