Алматыда көпқабатты үйден өрт шықты. Төтенше жағдай қызметінің өкілдері оқиға орнына жеткенде 3-ші қабаттан шыққан қызыл жалын шатырға да тарап, 300 шаршы метр аумақты шарпып үлгерген. Құтқарушылар тез арада 20 шақты адамды эвакуациялаған. Олардың жетеуі бала. Абырой болғанда, барлығы дін аман.
Мамандардың сөзінше, өрттің пәтерлерге тарау қаупі туындаған. Өрт сөндірушілердің жылдам қимылының арқасында тілсіз жау көп ұзамай сөндірілді. Қызыл жалынмен күреске 74 адам мен 21 техника жұмылдырылған.
Нұрхан Нұрланұлы
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Алматыда көпқабатты үй өртеніп, 20 адам эвакуацияланды&mh_tags=Qazaqstan&mh_page=https://qazaqstan.tv./news/140889/)