Жаңалықтарды Telegram арнамыздан оқыңыз!Түркістанды түлетіп, көне шаһардың көкжиегін кеңейтудегі Елбасы еңбегін бағалау – уақыт талабы. Мәжіліс депутаты Дархан Мыңбай Түркі әлемінің рухани астанасында Нұрсұлтан Назарбаевқа ескерткіш орнатуға қатысты осындай пікір білдірді. Осы арқылы бүгінгі ұрпақ түркі ықпалдастығы идеясын жүзеге асыруға баға жетпес үлес қосқан Тұңғыш Президентімізге құрмет көрсетеді, - дейді мәжілісмен. Айта кетейік, Түріксой халықаралық ұйымының Бас хатшысы Билал Чакыджи Түркістанда Елбасына ескерткіш орнату туралы бастама көтерген болатын.
Дархан Мыңбай, ҚР Парламенті Мәжілісінің депутаты:
Мұстафа Шоқай, Тұрар Рысқұловтар армандаған «Түркістан тұтас бол, түркі тілдес түгел бол» деген арманы болған. Сол арманды іс жүзінде жүзе асырған Елбасы. Қазақ елінің тәуелсіздігінің 30 жылдығына орай айтылып жатқаны да құптарлық дүние, орынды ұсыныс деп ойлаймын.
Дарын Сағитов
