Жаңалықтарды Telegram арнамыздан оқыңыз!Маңғыстауда мемлекеттік қызметкерлерді басшыларға сыйлық жасауға үгіттеген шенеуніктің бейнежазбасы жария болды.
Мұны айтып отырған Мұнайлы аудандық кәсіпкерлік және ауыл шаруашылығы бөлімі басшысының міндетін атқарушы Бахтияр Қуанышбек. Ол облыстық кәсіпкерлік және сауда басқармасы мен инвестициялар және туризмді дамыту басқармасы басшыларымен жақсы қарым-қатынаста болу үшін оларға сыйлық жасауға кеңес берген. Бейнежазба қоғамда қызу талқыланып жатыр. Екі басқарманың да басшысы бөлім жетекшсінің үстінен құзырлы орындарға шағым түсірді. Олар видеоға түсіп қалған бөлім қызметкерлеріне де қатаң шара қолдануды талап етті. Ал шенеунік Әдеп кодексінің талаптарын бұзғаны үшін қызметінен қуылды.
Аягөз Оралбайқызы
